విషయ విజ్ఞాన సముద్రం

ధృతరాష్ట్రుడు అంధుడు కావచ్చు. కానీ అమిత బలశాలి. విపరీతమైన పుత్రప్రేమ. ఆ ప్రేమతో కొడుకులు ఎన్ని దుర్మార్గాలు చేస్తున్నప్పటికీ, గుడ్డిగా సమర్ధిస్తూంటాడు. భీష్మ ద్రోణ విదురాది పెద్దలు కౌరవులకు ఎన్ని హితవులు బోధించినప్పటికీ, వాటిని వినమని కొడుకులకు సలహా ఇచ్చేవాడే కానీ, కొడుకులు అందుకు అంగీకరించకపోతే కొడుకులనే సమర్ధించేవాడు. ఆ చనువు, గుడ్డిప్రేమను దుర్యోధనాదులు అలుసుగా తీసుకుని సర్వనాశనం అయిపోయారు. కురుక్షేత్ర యుద్ధంలో కౌరవులు నూరుగురూ పాండవుల చేతుల్లో నిహతులు అయ్యారు. దృతరాష్ట్రుడి సముఖంలో కూర్చుని యుద్ధవిశేషాల గూర్చి సంజయుడు రన్నింగ్ కామెంటరీ ఇచ్చేవాడు. తన కొడుకులు అందరూ తమ్ముడి కొడుకుల చేతుల్లో చావడాన్ని ఏమాత్రం జీర్ణించుకోలేకపోయాడు ధృతరాష్ట్రుడు. వారిమీద విపరీతమైన కసి, ద్వేషం తో రగిలిపోతాడు. కానీ ఏమీ చెయ్యలేని అశక్తుడు. యుద్ధానంతరం విజయులై పాండుకుమారులను వెంటబెట్టుకుని శ్రీకృష్ణుడు దృతరాష్ట్రుడి మందిరానికి వస్తాడు…యుధిష్టురుడికి పట్టాభిషేకం చెయ్యమని కోరడానికి. ఆ సమయంలో ధృతరాష్ట్రుడు పాండవులను ఒక వంక దీవిస్తున్నట్లు నటిస్తూనే మరోవంక కడుపుమంటతో రగిలిపోతాడు. తనకు ప్రియాతిప్రియమైన పెద్దకొడు...

కొందరు పిల్లలైతే మరింత మెుండిగా ప్రవర్తిస్తారు. ఇటువంటి మెుండి పిల్లలతో పెద్దలు కూడా మెుండిగా ప్రవర్తిస్తే మెుత్తానికి చెడుతుంది. ముఖ్యంగా ఒకరు లేక ఇద్దరు మాత్రమే పిల్లలు ఉంటున్న ప్రస్తుత న్యూక్లియర్‌ కుటుంబాల్లో ఇటువంటి ేకసులు చాలా కనిపిస్తున్నారుు. అటువంటి పిల్లలతో ఎలా మెలగాలి, వారి మనస్సుని నొప్పించకుండా ఎలా ప్రవర్తించాలి అనే దానిపై సైకాలజిస్టులు అనేక పరిశోధనలు చేశారు. పిల్లల పెంపకంలో తల్లిదండ్రులు, టీచర్ల పాత్ర కీలకం అంటున్న సైకాజిస్టుల విశ్లేషణ - ప్రస్తుతం ఇళ్లలో ఒకరు లేక ఇద్దరు మాత్రమే పిల్లలు ఉంటున్నారు. అటువంటప్పుడు ఈ పిల్లల్ని ముద్దు చేయటం చాలా సహజం. ఈ గారాబం హద్దు దాటితే మాత్రం మొండితనానికి దారి తీస్తుంది. ఒక రకంగా చెప్పాలంటే పిల్లలు ఉన్న ఇంట్లో పెద్దల ప్రవర్తన కీలకంగా మారుతోంది. పిల్లల పెంపకం నానాటికీ సంక్లిష్టంగా మారుతోంది. ఇంకా చెప్పాలంటే సున్నితంగా మారుతోందని అనుకోవచ్చు. పిల్లల్ని పెంచే పద్దతుల్ని ప్రముఖ సైకాలజిస్టు డయానా బౌమ్‌రిండ్‌ కొన్ని పద్దతులుగా విభజించారు. పిల్లల పెంపకంలో డయానా ప్రచురించిన పరిశోధన వ్యాసాలు ప్రపంచ వ్యాప్తంగా ప్రసిద్ది గాంచాయి. ఈ విభజన ప్రకారం -మొదటి...

పూర్వం ఇద్దరు రాజులు యుద్ధానికి దిగారు. ఓడిన రాజు తన రాజ్యాన్ని వీడి, అడవుల్లోకి పారిపోయాడు. అక్కడే ఆధ్యాత్మిక చింతనతో కాలం గడుపుతున్నాడు. గెలిచిన రాజు ఆ ఉత్సాహంతో యజ్ఞం తలపెట్టాడు. అనుకోకుండా, అక్కడ యాగధేనువు మరణించింది. అది అశుభ సూచన. యజ్ఞాన్ని ఎలా పూర్తిచేయాలో తెలియక ఆ రాజు తికమక పడ్డాడు. నగర పురోహితుల్ని సంప్రతిస్తే- ఆ ధర్మసూక్ష్మం తెలిసినవాడు ఓడిపోయిన రాజేనని తేలింది. ధర్మసంకటం నుంచి గట్టెక్కించగలవాడు ఆయనేనని నిశ్చయమైంది. గెలిచిన రాజు ఏమాత్రం సందేహించకుండా ఓడిన రాజు వద్దకు వెళ్లి, యజ్ఞాన్ని పరిపూర్తి చేయాలని అర్థించాడు. ఆయనా ఏ శషభిషలకూ తావు లేకుండా ధర్మనిర్ణయం కోసం ముందుకొచ్చాడు. శత్రువుకు సహకరించాడు. ఆ ఇద్దరు రాజులూ ఆర్షధర్మ నిర్వహణ విషయంలో అహంకారాల్ని త్యజించారు. వారి కథే- శ్రీకృష్ణదేవరాయల ‘ఆముక్తమాల్యద’లోని ‘ఖాండిక్య కేశిధ్వజోపాఖ్యానం’ సారాంశం. సమాజం అనే ధర్మసౌధం పటిష్ఠంగా నిలిచేందుకు భారతీయ ప్రాచీన సాహిత్యం ఎంతగా తోడ్పడిందో, ఈ ఉదాహరణ చూస్తే ఇట్టే అర్థమవుతుంది. ఈ కథలో ఓడిన రాజు ఖాండిక్యుడు; గెలిచినవాడు కేశిధ్వజుడు. కథ చివర గొప్ప మలుపు ఒకటుంది. తన యజ్ఞ సంపూర్తికి సహకరించిన ఖాండి...

పిల్లలకి ఆర్నెళ్లు వచ్చేదాకా నీళ్లు పట్టించవద్దని పెద్దలు చెబుతూ ఉంటారు. ఆరునెలల వచ్చేదాకా తల్లిపాలు/ పోత పాలు తప్ప మరేదీ పిల్లలకి అందించవద్దని హెచ్చరిస్తూ ఉంటారు. హిందూ సంప్రదాయంలో ఆరోనెలలో అన్నప్రాసన చేయడం వెనక కూడా ముఖ్య ఉద్దేశం ఇదే! ఇంతకీ ఆరునెలలలోపు పిల్లలకి నీళ్లు కూడా ఎందుకు పట్టకూడదు? అన్న ప్రశ్నకి చాలా స్పష్టమైన జవాబులు ఉన్నాయి. తల్లిపాలలో పోషకపదార్థాలతో పాటుగా 80 శాతం నీరు ఉంటుంది. ఈ నీరు పిల్లల అవసరాలకి తప్పకుండా సరిపోతుంది. ఇది కాకుండా పైనుంచి మంచినీరు అందిస్తే వారి శరీరం తట్టుకోలేదు. ఎందుకంటే పసిపిల్లల కిడ్నీలు ఇంకా పూర్తిస్థాయిలో అభివృద్ధి చెంది ఉండవు. దాంతో నీటితో పాటుగా శరీరం నుంచి సోడియం అనే ముఖ్యమైన ఖనిజం కూడా మూత్రం ద్వారా వెళ్లిపోతుంది. ఈ పరిస్థితిని water intoxicatio అంటారు. water intoxicatio పిల్లల మెదడు మీద ప్రభావం చూపుతుంది. మత్తులోకి జారిపోవడం, మొహం ఉబ్బిపోవడం, ఫిట్స్ రావడం వంటి లక్షణాలు కనిపిస్తాయి. పిల్లవాడి శరీర ఉష్ణోగ్రత ఒక్కసారిగా పడిపోతుంది. వాంతులు, విరేచనాలు కూడా మొదలవ్వవచ్చు. ఈ ప్రాథమిక లక్షణాలను కనుక అశ్రద్ధ చేస్తే, పిల్లవాడు ఏకంగా కోమాలోకి జారిపోయే ప...

ప్రపంచంలో పిల్లల్ని పెంచడం అంత నైపుణ్యమైన పని మరొకటి ఉండదేమో! ఒక పక్క వారి ఆలనాపాలనా చూసుకుంటూ... మరో పక్క వారి వ్యక్తిత్వాన్ని గమనిస్తూ సాగే ఈ ప్రయాణం ఏమంత సులువైంది కాదు. అలాంటి సమయంలో పిల్లలు అబద్ధం చెబుతున్నారని తేలిందనుకోండి... అంతే! తల్లిదండ్రుల ప్రతిస్పందన అసాధారణంగా ఉంటుంది. తమ పెంపకంలో ఏదో లోటు జరిగిపోయిందనో, పిల్లలు సరిగా ఎదగడం లేదనో తెగ బాధపడిపోతారు. శాశ్వతంగా పిల్లల పట్ల అనుమానపు దృక్పథాన్ని అలవర్చుకుంటారు. కానీ అంత అంతర్మధనం అవసరం లేదంటున్నారు నిపుణులు. ఈ విషయంలో వారేం చెబుతున్నారంటే... విశ్వాసం పెరిగితే నిజం చెబితే తల్లిదండ్రుల ప్రతిస్పందన ఎలా ఉంటుందో అన్న భయమే చాలా అబద్ధాలకి కారణం అవుతుంది. ఈ భయాన్ని పోగొట్టాలంటే మనపట్ల వారికి తగిన నమ్మకాన్ని కలిగించాల్సిందే! మనతో వారు ఎలాంటి సమస్యని అయినా చెప్పుకోవచ్చుననీ... దానికి తగిన పరిష్కారం, సాంత్వన లభిస్తాయనీ నమ్మకం కలిగిన రోజున అబద్ధం చెప్పాల్సిన అవసరమే రాదు. కారణాన్ని గ్రహించండి ప్రతీ అబద్ధం వెనుకా ఏదో ఒక కారణం ఉండవచ్చు. దాన్ని గ్రహించే ప్రయత్నం చేయమంటున్నారు. పిల్లలు సిగ్గుతోనో, భయంతోనో, అలవాటుగానో, ఎవరూ తెలుసుకోలేరనే ధీమాతోనో...

[:te]పిల్లలు సరిగ్గా నిద్రపోకపోవడం అనేది కనిపించని వేదన. దాని వల్ల అటు పిల్లలూ ఇబ్బంది పడతారు, వారితో పాటుగా పెద్దలూ బాధపడతారు. పిల్లలలో నిద్రలేమి, భవిష్యత్తులో కూడా వారిలో అనేక ఆరోగ్య సమస్యలకి దారితీస్తోందని పరిశోధనలు వెల్లడిస్తున్నాయి. ఇందుకు పరిష్కారంగా Stephanie Zandieh అనే నిపుణుడు కొన్ని సలహాలను అందిస్తున్నారు. ముఖ్యంగా 1- 5 ఏళ్లలోపు పిల్లలకి ఈ సలహాలు దివ్యంగా పనిచేస్తాయంటున్నారు. - పిల్లలు నిద్రపోయేందుకు ఓ సమయాన్ని అలవాటు చేయాలి. అంతేకానీ నిద్రపోతే వారే అలసిపోయి పడుకుంటారులే అనుకోవద్దు. నిజానికి అలసిపోయి పడుకునే పిల్లలు నిద్ర మధ్యలో లేచే సందర్భాలు ఎక్కువగా ఉంటాయట!!! - పిల్లలు నిద్రపోయేటప్పుడు తమ పక్కన ఏదన్నా బొమ్మనో, బొంతనో ఉంచుకోవడాన్ని గమనించవచ్చు. ఇది మంచి అలవాటే అంటున్నారు నిపుణులు. ఇలా ఏదో ఒక వస్తువుతో వారి అనుబంధం వల్ల, పిల్లలు ఒక సురక్షితమైన భావనలో ఉంటారట. తద్వారా ప్రశాంతంగా నిద్రపోతారు. - పిల్లవాడు ప్రశాంతంగా నిద్రలోకి జారుకునేలా ఒకే తరహా వాతావరణాన్ని కొనసాగించండి. నిద్రపోయే ముందర స్నానం చేయించడమో, కథలు చదివి వినిపించడమో, జోలపాటలు పాడటమో చేస్తూ ఉండటం వల్ల.... పిల్లవాడు న...

[:te]తల్లిదండ్రులు తిడతారేమో అన్న అనుమానంతో ప్రోగ్రెస్‌ రిపోర్టు కార్డులలో దొంగ సంతకాలు చేసే పిల్లల సంగతి వినే ఉంటాము. ఏదన్నా వస్తువుని పాడుచేస్తే, తండ్రి చేతిలో దెబ్బలు తప్పవన్న భయంతో తనకేమీ తెలియనట్లు నటించే పిల్లల గురించీ మనకి తెలుసు. అంతదాకా ఎందుకు! మన బాల్యంలో కూడా తల్లిదండ్రుల దండననీ, చీవాట్లనీ తప్పించుకునేందుకు ఇలాంటి పనులేవో చేసే ఉంటాము. పిల్లవాడు ఎప్పుడో ఒకసారి అబద్ధం చెప్పడం సహజమే కావచ్చు. కానీ ప్రతిసారీ ఇదే తీరు కనుక కొనసాగితే, అది పిల్లవాడి జీవితం మీదే ప్రభావం చూపక మానదు. అబద్ధం అనేది ఒక అలవాటుగానో, ఒక విషవలయంగానో మారిపోయి అతని భవిష్యత్తులనే నాశనం చేసే ప్రమాదం లేకపోలేదు. తప్పు చేసినప్పుడు నిజాయితీగా దానిని ఒప్పుకోవడమా, లేకపోతే తల్లిదండ్రుల దగ్గర వెల్లడించడమా అనే సంశయం ఏర్పడినప్పుడు పిల్లలో ఎలాంటి భావాలు కలుగుతాయి? అన్న సందేహం వచ్చింది ఓ ప్రొఫెసరుగారికి. దాంతో ఆయన చేసిన పరిశోధన ఇలాంటి పరిస్థితులలో తల్లిదండ్రులు ఎలా ప్రవర్తించాలో ఒక సూచనను అందిస్తోంది. పిల్లల అంతరాత్మ సంఘర్షణని తెలుసుకునే ఈ ప్రయోగం కోసం పరిశోధకులు 4 నుంచి 9 ఏళ్ల వయసు లోపల ఉన్న కొందరు పిల్లలను ఎంచుకున్నారు. వీ...

[:te]పిల్లల పెంపకానికి సంబంధించి ఎన్ని పరిశోధనలు జరిగినా, ఏదో ఒక కొత్త విషయం బయటపడుతూనే ఉంటుంది. పిల్లలకి సంస్కారం నేర్పడమే ముఖ్యమైన ధ్యేయంగా ఉండాలనీ, దండనతో పిల్లలు మొద్దిబారిపోతారనీ... ఇలా రకరకాల విషయాలని నిపుణుల ద్వారా వెలుగు చూస్తూనే ఉన్నాయి. తాజాగా కఠినమైన శిక్షణలో పెరిగే పిల్లలు, చదువులో వెనకబడిపోతారని తేల్చారు.   చిన్నతనంలో తల్లిదండ్రుల నుంచీ తగినంత ప్రేమని పొందనివారు, క్రమేపీ ఆ లోటుని స్నేహితుల దగ్గర భర్తీ చేసుకునే ప్రయత్నం చేస్తారట. అలా స్నేహితులకి అధిక ప్రాధాన్యతని ఇచ్చే క్రమంలో తనదైన వ్యక్తిత్వాన్ని కోల్పోయే ప్రమాదం ఉందని చెప్పుకొస్తున్నారు పరిశోధకులు. నేరప్రవృత్తి, లైంగిక విశృంఖలత వంటి తాత్కాలిక లక్ష్యాలకి ప్రాధాన్యతని ఇస్తూ దీర్ఘకాలిక లక్ష్యాలైన చదువు, వ్యక్తిత్వం వంటి ప్రాధాన్యతలను వారు విస్మరించే ప్రమాదం ఉందంటున్నారు. ఇలాంటి పిల్లల్ని ముందుగానే గమనించడం వల్ల వారిని తిరిగి సరైన దారికి తీసుకువచ్చేలా తగిన కౌన్సిలింగ్‌ను అందించవచ్చని సూచిస్తున్నారు. అయినా చేతులు కాలేదాకా చూసుకుని కౌన్సిలింగ్‌ ఇచ్చేకంటే, తల్లిదండ్రులే కాస్త జాగ్రత్తగా తమ పిల్లలను పెంచుకుంటే సరిపోతుంది కదా...

[:te]మాతృత్వం ఒక తీయని వరం. కాదనం! కానీ పుట్టిన పాపాయిని ప్రేమగా పెంచుకోవడం ఓ అందమైన అనుభవం. వారు మనల్ని చూసినప్పుడల్లా చిందించే చిరునవ్వులు, మన మాటలకు ఊ కొట్టడాలూ... ఏవీ వ్యర్థం కావంటున్నారు శాస్త్రవేత్తలు. పైగా ఇవి వారి మానసిక వికాసానికి చాలా అవసరం అని చెబుతున్నారు. అయోమయం నుంచి అప్పుడే పుట్టిన పిల్లవాడిని ఆహ్వానించేందుకు ఓ సరికొత్త ప్రపంచం సిద్ధంగా ఉంటుంది. ఆ ప్రపంచంలో తన వారు ఎవరు, తనకి తరచూ వినిపించే స్వరాలు ఎవరివి అన్న అభిప్రాయానికి వచ్చేందుకు పిల్లవాడికి కాస్త సమయం పడుతుంది. ఆ సమయంలో తల్లి బిడ్డల అనుబంధం అతని మెదడు మీద శాశ్వతమైన ప్రభావం చూపుతుందని అంటున్నారు పరిశోధకులు. స్కానింగ్ చేస్తే పసిపిల్లలకు భాష వచ్చినా రాకపోయినా వారితో మాట్లాడుతూ ఉండటం మంచిదని పెద్దలు చెబుతూ ఉంటారు. దీనివల్ల వారు తల్లిదండ్రులను త్వరగా గుర్తుపట్టడంతో పాటుగా తాము సురక్షితంగా ఉన్నామన్న నమ్మకంతో ఉంటారని చెబుతారు. అయితే ఇలా తల్లులు వారి పసిపిల్లలతో ముద్దుముద్దు మాటలు మాట్లాడేప్పుడు, వారి మెదడు లోపల ఎలాంటి మార్పులు జరుగుతున్నాయి అని గమనించేందుకు కేంబ్రిడ్జి విశ్వవిద్యాలయానికి చెందిన పరిశోధకులు తల్లీబిడ్డల మెదడ...

[:te]ఆస్తమా గురించి ఎంత చెప్పుకుంటే అంత భయం కలగక మానదు. వినడానికి చాలా చిన్న జబ్బులాగానే తోచినా, దీనిని అనుభవించేవారికి తెలుస్తుంది, అదెంత నరకమో! ఒకప్పుడంటే ఏదో జన్యవుల కారణంలో నూటికో కోటికో ఈ జబ్బు కనిపించేది. కానీ పెరిగిపోతున్న కాలుష్యం పుణ్యమా అని ఇప్పుడు లక్షలాది మంది ఉబ్బసం బారిన పడుతున్నారు. నరకం - ప్రాణాంతకం శ్వాసనాళాలు ఒక్కసారిగా కుంచించుకుపోయి ఊపిరి తీసుకోవడమే కష్టమయ్యే ఈ ఉబ్బసాన్ని తట్టుకోవడం పెద్దలకే సాధ్యం కాదు. అలాంటి ఐదేళ్లలోపు పిల్లలకి కనుక ఈ వ్యాధి సోకితే ఇక చెప్పేదేముంది! పిల్లల్లో ఏర్పడే ఈ ఉబ్బసం ఒకోసారి వారి ప్రాణాలను కూడా హరించి వేస్తుంటుంది. కానీ ఓ జాగ్రత్తను కనుక తీసుకుంటే కనుక, పుట్టబోయే పిల్లలలో ఆస్తమా వచ్చే అవకాశాలు చాలావరకు తగ్గిపోతాయని తేలింది. ఒమేగా 3 ఆస్తమాకీ ఒమేగా 3 ఫ్యాటీ యాసిడ్స్‌కీ మధ్య ఏదో సంబంధం ఉందన్న అనుమానం ఈనాటిది కాదు. ఈ విషయాన్ని తేల్చుకునేందుకు కెనడాలోని వాటర్లూ విశ్వవిద్యాలయానికి చెందిన కొందరు పరిశోధకులు ఓ ప్రయోగాన్ని చేపట్టారు. ఇందులో భాగంగా డెన్మార్కుకి చెందిన 695 మంది గర్భవతులను గమనించారు. వీరు గర్భం దాల్చిన ఆరో నెల నుంచి ఒమేగా 3 ఫ్యాటీ యాస...

[:te]మన ప్రాణంగా చూసుకునే ఉప్పే అత్యంత ప్రాణాంతకంగా మారుతోందంటున్నారు. తాజాగా ముక్కుపచ్చలారని పిల్లలు సైతం ఎక్కువ ఉప్పుని తీసుకోవడం వల్ల అధిక రక్తపోటని ఎదుర్కొంటున్నారంటూ ఓ పరిశోధన వెలుగులోకి వచ్చింది. అంతకు మించి పెద్దవారితో పోలిస్తే పిల్లలు కాస్త ఉప్పు తక్కువగా తీసుకుంటే సరిపోతుంది. కానీ ఇప్పటి ఆహారపు అలవాట్లను బట్టి పరిస్థితి కాస్త భిన్నంగా ఉన్నట్లు కనిపిస్తోంది. బిస్కెట్లు, చిప్ప్, ఫాస్ట్‌ఫుడ్స్‌ అంటూ పిల్లలు అవసరానికి మించి ఉప్పుని లాగించేస్తున్నారు. ఈ విషయాన్ని రుజువు చేసేందుకు అమెరికాలో రెండువేలకు పైగా పిల్లల ఆహారపు అలవాట్లను గమనించారు. వీరంతా కూడా 6 నుంచి 18 ఏళ్ల వయసులోపు వారే. ఆశ్చర్యకరంగా వీరిలో 90 శాతం మంది పరిమితికి మించి ఉప్పుని తీసుకుంటున్నట్లు తేలింది. దీర్ఘకాలిక సమస్యలు అధిక మోతాదులో ఉప్పు వల్ల మొదటగా కలిగే దుష్ఫలితం అధిక రక్తపోటు. అదే ఈ పిల్లలందరిలోనూ కనిపించడం బాధాకరం. ప్రతి తొమ్మిది మందిలోనూ ఒక పిల్లవాడిలో, అతని వయసుకి ఉండాల్సినదానికంటే వారిలో రక్తపోటు అధికంగా కనిపించింది. ఇలా చిన్న వయసులోనే రక్తపోటు ఛాయలు కనిపిస్తే అది వారిని జీవితాంతమూ వెంటాడే ప్రమాదం ఉందని హెచ్చరి...

[:te]ఊబకాయం గురించి ప్రత్యేకంగా చెప్పుకోవాల్సిన పని లేదు. మారిపోతున్న జీవనశైలితోనూ, అదుపులేని ఆహారంతోనూ... ఇప్పుడు ఎవరిని కదిపినా ఊబకాయం గురంచి గంటల తరబడి చెప్పేయగలరు. దాంతో పాటుగా వచ్చే ఆరోగ్య సమస్యల గురించి కూడా అందరికీ తెలిసిందే! కానీ గర్భం దాల్చే సమయానికి తల్లి కనుక ఊబకాయంతో బాధపడుతుంటే... అది వారికి పుట్టబోయే పిల్లలను జీవితాంతం వేధిస్తుందని తాజా పరిశోధనలు తేల్చి చెబుతున్నాయి. ఒకటి కాదు రెండు కాదు Lancet Diabetes and Endocrinology అనే పత్రికలో ఈ వారం ఏకంగా నాలుగు పత్రాలు ప్రచురితం అయ్యాయి. ఇవన్నీ కూడా జన్మనిచ్చే తల్లి ఊబకాయం వల్ల పిల్లలకు ఎలాంటి హాని ఏర్పడతాయో చర్చించినవే! ఊబకాయం వల్ల తల్లిలో రక్తపోటు, చక్కెర స్థాయిలు అదుపుతప్పే అవకాశం ఉంది. ఇలా అదుపు తప్పిన అనారోగ్యం వలన ఒకోసారి కడుపులోని బిడ్డ ప్రాణానికే హాని ఉంటుందంటున్నారు నిపుణులు. ఒకవేళ ఎలాగొలా బిడ్డ క్షేమంగా బయటపడినా, తరువాత కాలంలో ఎన్నో సమస్యలను ఎదుర్కోవాల్సి వస్తుందని హెచ్చరిస్తున్నారు. బిడ్డ కడుపులో ఉండగా ఆమె మెదడు సరైన రీతిలో ఎదిగేందుకు అనేక పోషకాలు, హార్మోనులూ అవసరం అవుతాయి. తల్లి కనుక ఊబకాయంతో ఉంటే వీటి సరఫరా అస్తవ్యస్...

[:te]పెద్దవాళ్లకి అట్లతద్ది రోజునే ఊయల గుర్తుకువస్తుందేమో! కానీ పిల్లలు మాత్రం ఏడాది పొడవునా ఊయలను తలుచుకుంటూనే ఉంటారు. గంటల తరబడి ఊయల ఊగమన్నా సిద్ధంగా ఉంటారు. ఇంతకీ ఊయలలో అంత మహత్యం ఏముంది! సాదాసీదాగా కనిపించే ఊయలతో మన ఆరోగ్యానికి ఏమన్నా ఉపయోగం ఉందా అంటే లేకేం అంటూ ఎదురు ప్రశ్నిస్తున్నారు నిపుణులు... సంతోషం- నిదానం ఊయల ఒక చిత్రమైన సింహాసనంలాంటిది. మరీ ఉద్విగ్నంగా ఉన్నవారు ఊయల ఊగితే ప్రశాంతతను పొందుతారు. అదే సమయంలో నిర్లిప్తంగా ఉన్నవారు ఊయల ఊగితే కొత్త ఉత్సాహం చోటుచేసుకుంటుంది. అంటే మనిషి మనఃస్థితిని బట్టి వారికి అనుగుణమైన అనుభూతి లభిస్తుందన్నమాట. ఊయలూగుతూ ముందుకీ వెనక్కీ కదలడం వల్ల, మన అంతర్‌ చెవిలో జరిగే ప్రక్రియ వలన ఇలా జరుగుతుందట. కంటిచూపు మెరుగు పిల్లల్లో చూపు స్థిరపడటం ఒక సమస్యగా మారుతుంటుంది. ముఖ్యంగా టీవీ వంటి సాధనాల ముందు అతుక్కుపోయి ఉన్నప్పుడు వారి కంటికి ఎలాంటి వ్యాయామమూ లభించదు. దీనికి విరుద్ధంగా ఊయల ఊగడం వలన వారి చూపు బలపడుతుందని భావిస్తున్నారు. ఊయల ఊగే సమయంలో పిల్లవాడి దృష్టి కేంద్రీకరించాల్సిన దృశ్యం మారుతూ ఉంటుంది. ఇది కంటికి ఒక గొప్ప వ్యాయామంలాగా పనిచేస్తుంది. ఏకాగ్రత ...

[:te]ఒకప్పుడు పిల్లల్ని నిద్రపుచ్చేందుకు కథలో కబుర్లో చెబితే సరిపోయేది. కానీ ఇప్పుడు కాలం మారిపోయింది కథలు చెప్పే ఓపిక పెద్దలకీ లేదు, కబుర్లు వినే ఉత్సాహం పిల్లవారికీ లేదు. ఇప్పుడంతా డిజిటల్‌మయం. కాసేపు ఫోనో, టీవీనో, టాబ్లెట్టో చూసీచూసీ అలసి నిద్రలోకి జారుకుంటున్నారు పిల్లలు. ఇదేమంత మంచి అలవాటు కాదని అందరికీ తెలుసు కానీ ఎంత హానికకరం అన్నదాని మీద ఇప్పుడిప్పుడే వాస్తవాలు వెలుగులోకి వస్తున్నాయి. పిల్లల ఆరోగ్యం, అలవాట్ల మీద జరిగిన పరిశోధనలలో పిల్లల మీద డిజటల్‌ మాధ్యమాల ప్రభావం గురించి అనేక విషయాలు వెల్లడయ్యాయి. మంచం దగ్గరే 72 శాతం మంది పిల్లలు తమ మంచం దగ్గరే ఏదో ఒక డిజిటల్‌ పరికరాన్ని ఉంచుకుని నిద్రపోతున్నట్లు తేలింది. వీరిలో నిద్రపోయేందుకు ఒక 90 నిమిషాల ముందువరకు ఫోన్‌ చూస్తూ గడిపిన పిల్లల్లో 79 శాతం మంది నిద్రలేమితో బాధపడటాన్ని గమనించారు. ఒకవేళ నిద్రపట్టినా కూడా 46 శాతం మంది పిల్లలు కలతనిద్రలోనే గడపాల్సి వచ్చింది. ఇలా సరైన నిద్ర లేకపోవడంతో, వీరంతా ఉదయం వేళల్లో మత్తుతో తూగిపోవడం మొదలుపెట్టారట. నిద్రే కాదు పిల్లల ఎదుగుదలలో నిద్ర ఒక ముఖ్య పాత్ర వహిస్తుంది. అలాంటి నిద్రే కనుక దూరమైతే వారు రక...

[:te]ఒక రెండు దశాబ్దాల క్రితం మన ఇళ్లలో టీవీ పాత్ర చాలా తక్కువగా ఉండేది. అప్పట్లో టీవీ అంటే దూరదర్శనే. కానీ ఇప్పుడో! వందలకొద్దీ ఛానెల్స్‌ వచ్చేసాయి. రోజంతా చూసినా తనివితీరనన్ని కార్యక్రమాలు వాటిలో ప్రసారం అవుతున్నాయి. అందుకనే ఇప్పుడు టీవీ మన జీవితాలని శాసించేంత స్థాయికి చేరుకుంది. పెద్దవారంటే తమ విచక్షణని అనుసరించి టీవీ చూస్తారు. కానీ అభం శుభం తెలియని పిల్లల సంగతో! అందుకే వారి విషయంలో టీవీ ప్రభావాన్ని తగ్గించేందుకు మనం గట్టి ప్రయత్నమే చేయాల్సి ఉంటుంది. కారణం ఏదో ఒక ఛానల్లో ఏదో ఒక కార్యక్రమం వస్తూ ఉండటమో, పిల్లలని ఆడించేంత ఓపిక పెద్దవారికి లేకపోవడమో, తల్లిందండ్రులిద్దరూ ఉద్యోగ బాధ్యతలలో మునిగిపోవడమో... ఇలా కారణం ఏదైతేనేం పిల్లలు టీవీలకు అతుక్కుపోతున్నారు. నిజానికి రెండేళ్లలోపు పిల్లలు అసలు టీవీ జోలికే పోకూడదనీ, రెండేళ్లు దాటిన పిల్లలు రెండుగంటలకు మించి టీవీ చూడకూడదనీ నిపుణులు సూచిస్తున్నారు. అది వారిలో అనారోగ్య సమస్యలని సృష్టించడమే కాకుండా శారీరిక, మానసిక ఎదుగుదల మీద తీవ్ర ప్రభావం చూపుతుందని హెచ్చరిస్తున్నారు. ఇవీ సమస్యలు! - నిరంతరం టీవీ ముందు కూర్చునే పిల్లలు తమకు తెలియకుండానే ఏదో ఒకటి...

[:te]ఈ పోటీ ప్రపంచంలో మిగతా విద్యార్థులకి దీటుగా ఉండాలంటే పాఠ్యపుస్తకాలను బట్టీపడితే సరిపోదు. చదివిన చదువు చక్కగా ఒంటబట్టాలి. ఎప్పుడు పడితే అప్పుడు తిరిగి వాటిని గుర్తుకుతెచ్చుకునేందుకు సిద్ధంగా ఉండాలి. ఇందుకు సంబంధించిన ఒక చిత్రమైన పరిశోధన ఫ్రాన్స్‌లో జరిగింది. సైకలాజికల్‌ సైన్స్‌ అనే పత్రికలో ప్రచురించిన ఈ కథనం చదువుకి సంబంధించి ఒక కొత్త చిట్కాను అందిస్తోంది. చదువు తరువాత నిద్ర తమ పరిశోధనలో భాగంగా లియాన్ విశ్వవిద్యాలయానికి చెందిన కొందరు పరిశోధకులు ఓ 40 మందిని ఎన్నుకొన్నారు. ఆ నలభైమందిని రెండు జట్లుగా విడదీసి... వాళ్లు అంతకు ముందు ఎప్పుడూ వినని కొన్ని పదాలనూ, వాటికి అర్థాలనూ నేర్పారు. ఉదయం పూట ఒక జట్టుకీ, సాయంత్రం వేళ ఒక జట్టుకీ ఈ శిక్షణ సాగింది. కొన్నాళ్ల తరువాత పరిశీలించి చూద్దురు కదా! సాయంత్రం వేళ నేర్చుకున్న విద్యార్థులు ఉదయంపూట అభ్యసించిన విద్యార్థులకంటే త్వరగా, సమర్థవంతంగా పదాలను నేర్చుకోవడాన్ని గమనించారు. కారణం! ‘మన మెదడుకి కాస్త విశ్రాంతిని ఇస్తే, అది అప్పటివరకూ నేర్చుకున్న విషయాలను జ్ఞాపకాల రూపంలోకి మలుచుకునే అవకాశాన్ని ఇచ్చినట్లు అవుతుంది’ అంటున్నారు- ఈ పరిశోధనకు నేతృత్వం వహ...

[:te]ఇంట్లో పిల్లలు మితిమీరిన బరువుతో ఉంటే కంగారు పడటం సహజం. వారు ఊబకాయులుగా మారిపోతారన్న భయమూ సహజమే! ఎందుకంటే ఊబకాయం కేవలం ఒక లక్షణం మాత్రమే కాదనీ, సవాలక్ష రోగాలకు సింహద్వారం అని ఈపాటికే తేలిపోయింది. కానీ ఇలాంటప్పుడు తల్లిదండ్రుల చాలా జాగ్రత్తగా ప్రవర్తించాలంటున్నారు నిపుణులు. ఇందుకోసం American Academy of Pediatrics అనే సంస్థ ఓ ఆరు సూచనలను అందిస్తోంది. అవేమిటంటే... డైటింగ్‌ను ప్రోత్సహించవద్దు! పిల్లల్లో మరీ ముఖ్యంగా టీనేజీ పిల్లల్లో ఊబకాయం ఉందన్న స్పృహ కలగగానే, దాన్ని ఎలాగైనా తగ్గించుకునేందుకు డైటింగ్‌లోకి దూకేస్తారు. నిజానికి డైటింగ్‌ అనేది ఊబకాయానికి ఓ పరిష్కారం కాకపోగా, అది మరిన్ని ఆరోగ్య సమస్యలకు దారితీస్తుందంటున్నారు వైద్యులు. పైగా డైటింగ్ వల్ల ఊబకాయం తగ్గకపోగా, పెరిగే అవకాశమే ఎక్కువగా ఉందని హెచ్చరిస్తున్నారు. బరువు గురించి మాట్లాడవద్దు అధికబరువు, ఊబకాయం వంటి విషయాల గురించి పిల్లల వద్ద మాట్లాడకపోవడమే మంచిదంటున్నారు. ఇలాంటి మాటల వల్ల పిల్లల్లో తాము ఎలాగైనా లావు తగ్గాలనే తపన కలుగుతుంది. ఆ తపనలో డైటింగ్, ఉపవాసాలు వంటి పద్ధతులను ఎడాపెడా అనుసరించేయడం మొదలుపెట్టేస్తారు. అవహేళన కూడదు కళ...

[:te]ఇంట్లో పిల్లలని ఒంటరిగా వదిలి వెళ్లాలంటే ఎవరికి మాత్రం మనసు వస్తుంది. కానీ అనుకోకుండా ఓసారి ఏదన్నా ఆఫీసు పని మీదో, ఎవరినన్నా పరామర్శించడానికో పిల్లలని ఇంట్లోనే వదిలి వెళ్లాల్సి రావచ్చు. అందులోనూ పాపో, బాబో ఒక్కరే ఉంటే ఇక చెప్పనక్కర్లేదు. బయటకు వెళ్తామన్న మాటే కానీ మనసంతా వారి క్షేమం గురించే ఆలోచిస్తూ ఉంటుంది. ఆ అలజడిని పూర్తిగా అడ్డుకోలేకపోవచ్చు కానీ, ఇంట్లో పిల్లలను వదిలి వెళ్లేటప్పుడు చిన్నపాటి జాగ్రత్తలు తీసుకుంటే కనుక వారి క్షేమానికి గ్యారెంటీ ఇచ్చినట్లే అంటున్నారు పెద్దలు. అందుబాటులో ప్రాణాంతకాలు చాలా ఇళ్లల్లో కత్తెర, చాకు, లైటరు, అగ్గపెట్టె.... లాంటి వస్తువులన్నీ ఎక్కడపడితే అక్కడ పడేసి ఉంటాయి. ఇంట్లో ఎవరూ లేని సమయంలో వీటిని చేజిక్కించుకున్న పిల్లలకి వాటితో ఏదన్నా సాహసం చేయాలన్న సరదా పుట్టడం సహజమే! అలాంటి సాహసాలే ఒకోసారి ప్రాణాంతకంగా పరిణమించే అవకాశం ఉంటుంది. కాబట్టి బయటకు వెళ్లే ముందు ఒకసారి అలా ఇంట్లో కలియతిరగండి. ఇలాంటి వస్తువుల ఏమన్నా ఉంటే లోపల పడేయండి. గ్యాస్ స్టవ్‌ కట్టేసి ఉందా లేదా! గీజర్‌ వంటి వస్తువులు ఏవన్నా ఆన్‌లో ఉన్నాయేమో ఓసారి చూసుకుని బయల్దేరండి. ఫోన్‌ నెంబర్లు...

[:te]పిల్లలు చక్కగా చదువుకునేందుకు ముఖ్యంగా కావల్సింది ఏమిటి అంటే... ప్రశాంతమైన వాతావరణం అని ఎవరైనా టక్కున చెప్పేస్తారు. కానీ చాలామంది ఆ ప్రశాంతతను కల్పించేందుకు పెద్దగా శ్రద్ధ చూపరు. ఇంట్లో ఒక పక్క పిల్లవాడు పుస్తకాలతో కుస్తీ పడుతూనే ఉన్నా... టీవీ హెచ్చు స్థాయిలో పెట్టుకోవడమో, ఫోన్లో నిరంతరం గట్టిగట్టిగా మాట్లాడటమో చేస్తుంటారు. అదేమంటే ‘పిల్లవాడిలో ఏకాగ్రత ఉండాలే కానీ ఎలాంటి శబ్దంలో అయినా చదువుకుంటాడు కదా!’ అని దబాయించేస్తూ ఉంటారు. ఇక మీదట అలా దబాయించే అవకాశం లేని కొన్ని పరిశోధనలు బయటపడ్డాయి. అమెరికాకు చెందిన విస్కాన్‌సిన్‌ విశ్వవిద్యాలయానికి చెందిన కొందరు విద్యార్థులు ఈ పరిశోధను నిర్వహించారు. ఇందులో భాగంగా వారు 22-30 నెలల మధ్య వయసున్న 106 మంది పిల్లలను ఎన్నుకొన్నారు. ఆ తరువాత వారికి రణగొణ ధ్వనులు వినిపించే వాతావరణంలో ఒక రెండు కొత్త పదాలు ఉన్న వాక్యాలను చెప్పి, వాటి అర్థాలను వివరించారు. తరువాత పిల్లలను కొత్త పదాల గురించి అడిగితే ఏముంది! వారిలో చాలామందికి ఆ పదాల గురించిన గుర్తే లేకుండా పోయింది. దీనికి విరుద్ధంగా ప్రశాంతమైన వాతావరణంలో వారికి కొత్త పదాలను అలవాటు చేసినప్పుడు మాత్రం ఎలాంటి...

[:te]ఇంట్లో పిల్లలను మనం కంటికి రప్పలా కాపాడుకుంటాం. కానీ బడిలో వారు ఎలా ఉంటున్నారో, ఎలాంటి అనారోగ్యాలను కొనితెచ్చుకుంటున్నారో గమనిస్తూ ఉండటం ఏమంత తేలిక కాదు. అసలే పిల్లలో రోగనిరోధక శక్తి తక్కువగా ఉంటుంది. ఎలాంటి వ్యాధినైనా ఇట్టే పట్టేసుకుంటారు. పిల్లలకు జబ్బు చేస్తే వారికే కాదు, కన్నవారికీ బాధే. అందుకని బడిలో కూడా పిల్లలు ఆరోగ్యంగా ఉండేందుకు ఈ చిన్న చిన్న జాగ్రత్తలు పాటించడం ఎంతైనా అవసరం. - బడులు మొదలవుతూనే వర్షాకాలం కూడా మొదలవుతుంది. ఈ కాలంలో జలుబూ, దగ్గు వంటి అంటువ్యాధులు అతిసాధారణంగా ఒక పిల్లవాడి నుంచి మరో పిల్లవాడికి చేరిపోతాయి. కాబట్టి పిల్లల్లో రోగనిరోధక శక్తి తగ్గకుండా చూసుకోవాలి. చ్యవన్‌ప్రాస్, పాలు, బాదం పప్పు, ఆకుకూరలు, పండ్లు వంటి బలవర్ధకమైన ఆహారం మీద మరింత దృష్టి పెట్టాలి. - పిల్లలకి కర్చీఫ్‌ వాడటాన్ని తప్పకుండా అలవాటు చేయాలి. తాము దగ్గేటప్పుడో, ఎదుటివారు దగ్గేటప్పుడో కర్చీఫుని నోటి అడ్డం పెట్టుకోమని గుర్తు చేయాలి. చేతిరుమాలుని బడిసంచిలో కాకుండా జేబులోనే ఉంచుకునే అలవాటు కలిగించాలి. - అన్నం తినేముందరా, ఆటలాడుకున్న తరువాతా, మూత్ర విసర్జన చేశాకా.... శుభ్రంగా చేతులు కడుక్కోమని...